WABELOYA

Yesu ni mungu

<div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEikUh8zSJaFAg3pPzR7XLsAhU_C60VQVciDzZWc6EG879kvNUC1xLXj3pfGOu03H1Tj9BPrNhB0eG7WD95FKswvJUaJgERarx9J_MBUPqOguoJlTH-rDOCbAL1E6wsZ6AC2LxC-c0-Fo-0/s1600/jesus_180_small.jpeg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEikUh8zSJaFAg3pPzR7XLsAhU_C60VQVciDzZWc6EG879kvNUC1xLXj3pfGOu03H1Tj9BPrNhB0eG7WD95FKswvJUaJgERarx9J_MBUPqOguoJlTH-rDOCbAL1E6wsZ6AC2LxC-c0-Fo-0/s640/jesus_180_small.jpeg"></a></div><div class="separator" style="clear: both; text-align: center;">Kumekuwa na utata mwingi kuhusu uungu wa yesu na watu wengi wanaopinga ni kwa sababu hawajishughulishi na kusoma neno LA mungu.kuna mafungu mengi ambayo yanadhibitisha kuwa yesu ni mungu.na somo hili limekuwa na utata wa Siku nyingi.</div><div class="separator" style="clear: both; text-align: center;">Leo fuatana nami kujifunza kuhusu yesu ni mungu sehemu ya kwanza. Yohana 10:30.yesu mwenyewe anakiri kwa kinywa chake. </div><div class="separator" style="clear: both; text-align: center;">Mimi na baba tu umoja. Pia yohana 14:6,7,8,na 9.</div><div class="separator" style="clear: both; text-align: center;">Katika mafungu haya yesu alijidhihirisha wazi wazi tena kwa msisitizo ya kuwa yeye ni Mungu. Mwanafunzi mmoja jina lake Filipo kauliza kwa Yesu tuonyeshe baba yatosha.Yesu akajibu nimekaa nanyi siku zoote hizo wewe usinijue pilipo ukiniona Mimi tayari umemuona Baba wewe wasemaje nikuonyeshe baba.?yohana 14:9 . pia nabii isaya alitabili wazi ya kuwa maana kwa ajiri yetu mtoto amezaliwa tumepewa mtoto mwanaume.naye ataitwa MUNGU MWENYE NGUVU isaya9:6. Isaya 7:14  mtoto alitabiriwa Emanuel akizaliwa na bikira. Pia katika ufunuo wa yohana 1:8 yesu anasema Mimi ni Alfa na omega mwanzo na mwisho aliyeko na atakaye kuja MWENYEZI. MPENDWA MSOMAJI NENO  </div><div class="separator" style="clear: both; text-align: center;">LA Mungu limetuonya mahala pengi kinachotakiwa ni kuchukua hatua ya kumwamini yesu kiristo na kumpokea na kujitenga na roho zidanganyazo ya kuwa yesu sio Mungu 1yohana4:1 yapasa kuzijaribu hizo roho kama zimetokana na mungu au LA. Maana mpinga kiristo ni yeye asemaye ya kuwa yesu sio mungu. Utukufu una yeye milele na milele amina!   Kama una swali ushauri au maoni toa  comment yako hapa chini pia usisahau kututembelea ktk blog yetu. Wabeloyablog.blogspots.com</div><div class="separator" style="clear: both; text-align: center;"> </div><div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEjKHNnP1vuFke_bLCEmrN_CYodiQ9shdTznJdwDLPXrNkddZC41lz2orvC90CeM5FV5tgriCyomfyKSgzPdda1FmdTdoQNSiLxagolSEYgUdYYTpsg7EWz0GK2vrVVeO5Mdy5vTTaJ7d-o/s1600/jesus_034_small.jpg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEjKHNnP1vuFke_bLCEmrN_CYodiQ9shdTznJdwDLPXrNkddZC41lz2orvC90CeM5FV5tgriCyomfyKSgzPdda1FmdTdoQNSiLxagolSEYgUdYYTpsg7EWz0GK2vrVVeO5Mdy5vTTaJ7d-o/s640/jesus_034_small.jpg"> </a> </div><div class="separator" style="clear: both; text-align: center;"> <a href="https://blogger.googleusercontent.com/img/b/R29vZ2xl/AVvXsEhkLFAQiDMhDJHyryXpvM3n17JXajvxAPdg1CAh82SMdUM9AiKilmLNBp-gyskKpEgAwcKxchBMo8OUToQrC9qRe9CuP6jzT9x6ur9iDGfELzgX-2xURKp5FLmfpDGohsJoiiUnECjhkKw/s1600/jesus_180_small.jpeg" imageanchor="1" style="margin-left: 1em; margin-right: 1em;"> <img border="0" src="https://blogger.googleusercontent.com/img/b/R29vZ2xl/AVvXsEhkLFAQiDMhDJHyryXpvM3n17JXajvxAPdg1CAh82SMdUM9AiKilmLNBp-gyskKpEgAwcKxchBMo8OUToQrC9qRe9CuP6jzT9x6ur9iDGfELzgX-2xURKp5FLmfpDGohsJoiiUnECjhkKw/s640/jesus_180_small.jpeg"> </a> </div>

Yesu ni mungu

Kumekuwa na utata mwingi kuhusu uungu wa yesu na watu wengi wanaopinga ni kwa sababu hawajishughulishi na kusoma neno LA mungu.kuna mafungu ...

Jitambue Thamani Yako

<img alt="Image result for women success" height="320" src="https://www.thebusinesswomanmedia.com/wp-content/uploads/2017/03/business-success.jpg" width="640" /> 
 
Unalo jibu la changamoto ya mtu mwingine. 
Ulizaliwa ili uje kuwa jibu kwa changamoto ya wengine, acha kukaa na kujiona u myonge, hauwezo kitu, hata kama kikawaida unaona kila kitu kimeshindikana, hauelewi kwanini upo duniani. 
Elewa kuwa mpaka Mungu kukuumba alikuwa na kusudi na wewe, lipo jambo aliweka uje kulifanya ili uweze saidia wengine, hebu fikiria hata aliyeweza kugundua hata hii intaneti hauoni ni kwa kiasi gani amesaidia hata injili kusambaa kiurahisi? hebu fikiri pia bila huyu mtu kufanya alichoitiwa je wewe ungeweza kusoma hiki nilichoandika hapa wakati huu? 
 
Amka ndugu, ukikaa na kujifikiria na kuongea na wewe mwenyewe na kwa msaada wa Mungu unajua kabisa ni nini unapenda na kufurahia kufanya, kifanye hicho kwa kujiamini ukijua yupo mtu mahali unamsaidia kusogea anapotakiwa kuwa kwa kufanya hilo jambo, unalo jibu la mtu aliye mahali fulani, kataa kuwa sababu ya kuzuia wengine kufika wanapotakiwa kuwa kwa ujinga wako ndugu. Kwa tunaomwamini MUNGU tunajua katika yeye tunaweza yote, na ametuumba kwa kusudi maalumu na tupo duniani ili kuliishi hilo kusudi. 
 
Kuwa jibu kwa changamoto ya mwingine. 
 
Kwanini yule aweze? 
Mara nyingi katika maisha yetu inapotokea labda akatakiwa mtu wa kufanya kitu fulani, wengi wetu huwa hatuwi tayari kujitolea au kuwa msitari wa mbele kufanya hilo, tunakuwa wepesi wa kuwapa wengine au kuwaita waje kufanya hilo na mara nyingi kinachosumbua wengi ni kufikiri hawawezi,  ndugu yangu kwanini uwe mwepesi kujiona hauwezi na kuamini huyo mwingine anaweza?  Kwani yeye ana nini zaidi yako? au yeye Mungu aliyemuumba ni tofauti na wako?  Anavuta pumzi tofauti na wewe?  Au ni uvivu, uoga unakusumbua?  Badilika, jikubali wewe mwenyewe, jiamini kuwa unaweza, usipojikubali wewe nani atakukubali? kama wewe mwenyewe unaona hauwezi, nani ataliona hilo?  Badilika, badili namna unavyojichukulia, wewe ni wa thamani sana, unaweza kila kitu maana Mungu ndani yako anaweza mambo yote, badala ya kuwa mwepesi kuhamishia majukumu kwa wengine, fanya wewe mwenyewe kwanza, kushindwa sio kosa, ukishindwa leo, waweza jaribu kesho ukaweza, cha msingi ni ile kujiona kwamba unaweza, kama wengine wanaweza nawe unaweza pia. 
 
Jikubali, unaweza pia. 
 
Pata muda wa kukaa na wewe 
Maisha tunayoishi sasa na maendeleo ya teknolojia , tumejikuta tumebanwa sana na mambo mengi ya kujitafuta riziki kiasi cha kukosa muda wa kukaa wenyewe na kupata muda wa kujiongelesha, kujitafuta, ndio hapa kila mtu kwa imani yake, kwa tunaomwamini Kristo Yesu, tunatafuta utambulisho wetu mpya kwake yeye na kuishi huo. Watu wako busy sana muda wote, mara kazi, huku whatsap, huku facebook, huku marafiki, yaani mambo ni mengi kiasi kwamba waweza kukosa kabisa muda wa kuwa wewe, kukaa na wewe, kuongea na kujua nini unataka katika maisha haya, ni wajibu wako wewe mwenyewe kuona umuhimu wa jambo hili na kujiwekea utaratibu ili angalau kila siku au utakapoweza upate walau saa moja au zaidi la kuwa peke yako,  kuna wanaoweza kunishangaa kwanini nasema haya, lakini ndugu sasa wewe muda wote upo na shughuli nyingi, hauna muda na wewe mwenyewe unadhani nani atakuwa na wewe, anani atakuthamini, utajijuaje?  na usipojijua utakuwaje huyo mtu uliyekusudiwa kuwa na Mungu wako?  Maana hapa hakuna muujiza hapa ni lazima wewe ufanye sehemu yako ili mengine yafuate.  Kwani huko ambako watu wanashughulika muda wote ni wapi?  kwamba hauna muda unaoutumia bila faida? wataka sema muda wote wafanya ya maana?  Hebu kuwa mkwelia angalia ratiba yako tena , na weka muda wa kujitafuta, kujua utambulisho wako ili uweze furahia maisha, maana pengine wahangaika kuongozan wengine, utaongozaje wengine wakati mwenyewe hauna muda na wewe? haujijui hata wewe ni nani, hauoni hatari iliyo mbele yako? 
 
Kaa chini , tafuta utambulisho wako, hakuna wa kukuombea ujue hili ni wajibu wako wewe mwenyewe. 
 
Anza sasa 
Wengi wetu katika maisha haya,  tumejikuta kuna wakati tunashindwa kuanza kufanya baadhi ya mambo kwa wakati sahihi, huenda ni mradi fulani ungependa kuuanzisha, lakini kutokana na maoni ya watu wanaokuzunguka umejikuta haujui uendelee au lini uanze, au wengine watakuambia hauwezi kwa sababu hizi na zile, huenda ni kweli wanachokuambia maana ndivyo wao wanavyoona , na pengine wao walijaribu wakashindwa ndio maana wanadhani wakati wao walipojaribu na kufanikiwa nawe ndipo unaweza kuanza na kufanikiwa, lakini sikia nikuambie ndugu yangu, kumbuka ni wao , si wewe, wao wanaona hivyo, lakini waonavyo sivyo unavyoona wewe, kile kilicho ndani yako kilichokusukuma kuanza huu mradi kinakuambiaje, kilikuambia uanze lini? je kilikuambia uje kutafuta mawazo ya wengine, je hilo wazo ulipolipata lilikuwa halijakamilika? kwanini unataka kutumia watu wa nje kukuamulia cha  kufanya? , lini ufanye? , wakati ni wewe mwenye ndoto, unaijua na kuielewa vyema ndoto yako, kama kuna kitu unaona hakipo sawa ni vyema kwa imani yako ukarudi na kukaa na muumba wako maana naamini ndiye anayetuwekea hayo mawazo na ndoto ndani mwetu, hivyo yeye ana majibu na maelekezo yoyote ya maswali tunayokuwa nayo, sisemi kwamba usisikilize maoni ya wengine, sikiliza na penda sana kuona wengine wanasemaje kuhusu kile unafanya lakini usipeperushwe kama upepo na mawazo yao, jua nini unataka kwanza wewe na usitegemee wote kukuelewa, wasikilize, chukua ya kujifunza kisha endelea mbele, hata kama walishindwa wote waliotangulia pengine wewe ndio wa kwanza kushinda ikiwa utachukau hatua sasa. 
 
Anza sasa, wakati ni sasa, usije sema oo nilikuwa na wazo kama lile wakati wenzio washalifanyia kazi. 
 
Hofu haina nguvu 
Watu wengi katika maisha yetu wanaumbuliwa sana na hofu au naweza sema uoga, wengi wanafanya mambo ambayo hata mioyo yao inawasuta maana wamefanya bila kupenda bali ni kwa kutimiza matakwa ya watu fulani, huenda ni ofisini unakuta mtu anafanya kitu kisichofaa eti kwa kuwa bos kasema,  siamini kwamba kila bosi anachosema au kuniagiza nifanye natakiwa kukifanya, nami kama binadamu nimeumbwa na utashi na Mungu kanijaali akili za kuweza kupambanua mambo, hivyo nina uwezo wa kuona kuwa hili linafaa au halifai hata kama yeye anaona linafaa, naweza kutokufanya na nikamwambia kwanini sifanyi, anaweza akanielewa au asinielewe hilo litakuwa tatizo lake maana sikuumbwa kutaka kila mtu anielewe nilivyo bali jambo la msingi ni mimi kujitambua, kuelewa thamani yangu hili linatosha sana, maana ukijitambua hautaruhusu kusumbuliwa au kupelekeshwa na mwanadamu awaye yeyote, maana unajua hatma yako haipo mikononi mwake , najua kuwa naweza kuendelea hata baada ya pale, najua kuwa sikuzaliwa kuja kuishi ndoto za wengine, ninayo ndoto yangu, sikubali kuendelea kuishi ndoto za watu wengine, hata kama ikinibidi kuishi ndoto za wengine basi ni wakati ambao nipo njiani kuelekea kule ninakotakiwa kuwa na Mungu wangu, kule alikonikusudia niwe tangu aliponiumba, hivyo hofu na uoga havina nafasi kwangu kabisa, maana ninayemwamini kaniambia nisiogope, kasema hakunipa Roho ya hofu, hivyo sioni sababu ya kugopa lolote au mtu yeyote yule maana aliye ndani mwangu ni mkuu kuliko wote wa ulimwenguni hapa, hivyo ninajua kuwa ninaweza kufanya chochote hata kama watu wote hawaniamini au kunikubali, wengine ikibidi watanielewa mbele ya safari , usimuogope mtu anayeweza kuzimika muda wowote, asikufanye ushindwe kufikia ndoto zako, ni mwanadamu tu huyo, si wa milele , yupo leo kesho anaweza asiwepo, hivyo mwamini Mungu kuwa unaweza kila kitu, anakuwezesha yeye, hata ukitishwa usihofu kabisa. 
 
Usiipe hofu ushindi maishani mwako. 
 
Fanya jambo kwa kuwa unafurahia kulifanya 
Wengi wetu katika maisha tumejikuta tukiishi maisha yasiyo ya uhalisia,  wengi tunaishi kama watu wengine wanataka tuishi, huenda ni marafiki, familia n.k,   unakuta mtu anafanya kazi fulani kwa kuwa ni wazazi wake wanataka na kupenda afanye vile lakini yeye hapendi wala kufurahia kazi ile, au mwingine anafanya kazi fulani kwa kuwa ndiyo inayomlipa sana kwa wakati huu, au mwingine anasoma masomo fulani ili aonekane tu naye ana uwezo fulani kwa kuweza kuyamudu.  Ndugu yangu haukuzaliwa kuja kuishi maisha ya kufurahisha wengine, ulizaliwa uje uishi wewe kama ulivyokusudiwa na Mungu wako, huenda ni kweli wazazi wamekuchagulia hiyo kazi na ni kwa kuwa wanakutakia mema, lakini haya ni maisha yako na unaishi mara moja tu, hivyo usiishi kwa ajili ay wengine, ishi wewe , ishi kile umeumbiwa kukiishi, fanya kile unapenda  maadam una uhakika ndicho amani yako inapatikana ukikifanya, kumheshimu mtu si kuwa mtu wa ndiyo tu, kuna wakati unaweza mwambia hapana na ukamweleza ni kwanini haukubaliani na anachotaka ufanye kwa wakati ule, au pengine ni hiyo kazi unaifanya kwakuwa inalipa sana kwa wakati huu, umewahi fikiria kuwa kuna wakati haitakulipa na je bado utapenda kuifanya hiyo kazi? Ndugu fanya kile unapenda na kufurahia , kile ukifanya moyo wako unakuwa na amani bila kujalisha unapata nini, hela zipo tu na si kila kitu,  pengine upo shule unang'ang'ana kusoma masomo magumu ili tu uonekane nawe una akili sana wakati moyoni wala haupendi hayo masomo, wasomea sifa tu, huoni kama ni kujitesa?  kwanza ni lazima utumie nguvu nyingi ili uelewe na uweze fanya vizuri maana hicho kitu hakipo damuni na haukipendi ila wafanyia sifa tu,  ukipata sifa kitafuata nini?  
 
Acha ujinga, kua , jitambue ndugu haukuzaliwa kuja kufanya ujinga huo 
 
Usisikilize kelele za wasiokufahamu 
Ndugu yangu, linda na chunga sana kile unasikia, angalia kama kinaongeza nini kwako, usije kujikuta kutwa unasikiliza watu wenye mtazamo usio sahihi juu ya mambo na wewe ukajikuta unaamini hayo, unakaa na watu ambao muda wote wanakuambia hauwezi, kila unachotaka kufanya wanakuja na sababu kibao za kwanini hauwezi kufanya hicho kitu kwa ufanisi, wengine watakuambia haujui, hauna uzoefu wa kutosha, au watasema subiri mpaka upate mtu wa kukuelekeza au ujifunze kwa waliofanikiwa katika hilo, lakini ndugu yangu, ni kweli haujui lakini utajuaje kama hautafanya hilo?  Hata huo uzoefu unaupataje bila kuanzia mahali? hao watu wa kukuelekeza pengine ni mpaka upihe hatua fulani ndio utakutana nao katikati ya safari, inabidi ufanye kile ulichonacho sasa hivi, unacho kitu cha kuanzia, haijalishi unaambiwa nini, ulivyoumbwa uliumbwa na kitu cha kuja kufanya, hauhitaji mtu wa nje kuja kukupa maelekezo namna ya kufanya , fanya kile unasikia toka ndani mwako ilimradi ni kitu chema, hauvunji sheria za nchi wala kuhatarisha maisha ya wengine, fanya, fanya, ukikosea utajifunza wakati upo kwenye mchakati, usisikilize wanaosema utashindwa hata kabla haujaanza, hata kama ukishindwa si tatizo maana hata katika kushindwa yapo ambayo utakuwa umejifunza na ukirudia tena utafanya kwa usahihi zaidi. Kwa tunaomwamini Mungu , tunaamini kuwa hakuna lisilowezekana kwake Mungu, tunayaweza yote katika yeye atutiaye nguvu, hivyo hatuoni kushindwa kabisa maana tunajua hatupo peke yetu, hatufanyi sisi bali yeye aliye ndani mwetun ndiye mwenye kufanya hayo yote kupitia sisi, hivyo nikisema siwezi nakuwa sijielewi, sijui thamani ya aliye ndani mwangu, aliye ndani mwangu anaweza yote, hivyo haijalishi watu wananiambia nini, mimi nasikiliza na kufanya kile Mungu kupitia Roho wake Mtakatifu ananiambia nifanye, hawezi kunipotosha. 
 
Tambua thamani yako, jikubali na toka hapo uliponasa, songa mbele. 
 
U wa thamani sana 
Ndugu yangu , wewe ni wa thamani sana, kipo kitu ndani yako, hakikuwekwa  ufe nacho bila kuwafaa watu na jamii inayokuzunguka kwa ujumla.   Haijalishi watu wanakuambia nini au wanakuonaje, haijalishi umepotea kiasi gani na  pengine umetamkiwa maneno yasiyofaa na ndugu, familia marafiki nk kwamba hauwezi, wewe ni mjinga, haujui kitu, umeshindwa , hauna akili hauwezi fanya lolote,   ndugu yangu hayo ni maneno yao na ni maoni yao, ndivyo wanavyoona wao lakini sivyo Mungu anavyokuona, kwake yeye wewe ni mwana upendwaye sana, kipo kitu cha thamani sana ameweka ndani mwako, ni wajibu wako na uamuzi wako kutambua na kukubali kuwa wewe u wa thamani sana, kipo kitu ndani mwako kizuri tu, yani yapo madini ndani mwako ambayo unatakiwa kuruhusu watu wayachimbe yakufaidishwe wewe na wao kwa ujumla, ulizaliwa kuwa suluhu kwa jamii yako, haukuzaliwa kuja kuongeza idadi ya wasiojitambua, walalamishi.  Wewe ni wa tofauti , onyesha utofauti wako, ishi kama ulivyokusudiwa uwe, usiishi kama wanavyosema uko, hao ni wanadamu tu hawaoni ya ndani mwako, Mungu wako aliyekuumba anajua u wa thamani sana, hakupoteza muda kukuleta hapa duniani, toka hapo walipokuweka, inuka, nenda ulipokusudiwa na Mungu wako. 
 
Usiruhusu kelele za wasiokuelewa kukupoteza ndugu. 
 
 
Ulizaliwa kwa kusudi maalumu 
Kila mtu aliumbwa kwa kusudi maalumu, acha kuishi ukitamani kuwa kama wengine, unapoteza muda wako bure hauwezi kuwa kama hao, kaa na Mungu wako jitafute, tafuta kujua wewe ni nani, kwanini umezaliwa na ukishajua kwanini upo , kuwa huyo mtu hakuna cha kukuzuia. 
 
Watu wengi tunaishi tukitamani kuwa kama watu fulani  kwa kuwa kuna mambo wanafanya tunayapenda, au tunayafurahia, lakini nawe unacho cha thamani kimewekwa ndani mwako, ni wewe wa kukitoa, wapo wanaokisubiria hicho kitu, hakuna wa kuja kukitoa, ni wajibu wako wewe mwenyewe kugundua hicho kitu na kukiishi hicho bila kuangalia mazingira yanasemaje ndugu yangu. 
 
Kama unataka kuishi kwa raha kuwa wewe usitamani wala kutaka kuwa kama wengine, u wa thamani sana.

Jitambue Thamani Yako

Unalo jibu la changamoto ya mtu mwingine. Ulizaliwa ili uje kuwa jibu kwa changamoto ya wengine, acha kukaa na kujiona u myonge, hauwezo...

Uislamu ulianza lini?

<img alt="Related image" src="https://m.smedata.sk/api-media/media/image/sme/3/25/254373/254373_1200x800.jpg?rev=1" /> 
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. 
 
 
Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. 
 
Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. 
 
Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye aliyekuwa Mwislamu wa kwanza. Kwa mfano, ukisoma Sura. 6: 163 anasema yeye ndiye wa kwanza kwa Waislamu hii ikiwa na maana kwamba yeye ndiye mwanzilishi wa Uislamu na kwamba Uislamu haukuwapo kabla yake. 
 
Lakini katika maeneo mengine, Qur’an inadai kuwa Musa ndiye Mwislamu wa kwanza. Soma Sura 7:143. Sasa Mussa inajulikana kabisa ndiye mhusika mkuu wa dini ya Uyuda. 
 
Kwa mshangao mkubwa zaidi, mahali pengine inadaiwa kwamba Adam, Abraham na Yesu wote walikuwa waislamu! 
 
Hili, kwa hakika ni jambo la ajabu sana. Unapodai Yesu alikuwa Mwislamu, wakati mafundisho yake yanapingana pakubwa na Uislamu, huo ni ushahidi wa mkanganyiko ambao kwa hakika yeyote anapaswa kuuona bayana. 
 
Kwa maoni yangu, dini hii yaweza kudai kuanza tangu kuumbwa kwa Ulimwengu ili tu kuonyesha kwamba yenyewe ndiyo ya kweli kuliko nyinginezo. 
 
Ukweli uko wazi kwenye Qur’an yenyewe (hata kama inajichanganya) kwamba Muhammad ndiye alikuwa mwanzo wa Uislamu ndio maana anaitwa 'mtume' yaani mleta Uislam. 
 
Sasa sisemi Uislam ni Dini potofu. Hiyo sio kazi yangu. Lakini sikubaliani na wanaodai kwamba Uislamu ulianza tangu enzi za Adam. Ndivyo ilivyo pia kwa Ukristo, dini nyingine yenye asili yake kule kule Mashariki ya kati. 
 
Mambo mengine ni muhimu kuyaelewa hata kama yanaonekana kuwa kinyume na ‘ukweli’ wa kidini. Ikiwa unadhani kwa kujadili haya maana yake ni chuki kwa Uislamu, basi unahitaji kujielewa sasa hivi. Maana ni wazi umejitia kifungo cha hiari.

Uislamu ulianza lini?

YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na N...

Je! Yesu ni Mungu?

<img alt="Image result for Yesu" src="http://www.agakiza.rw/IMG/jpg/11-3.jpg" /> 
Haya ni maoni ya mdau asiyependa jina lake lijulikane. Nimeyatundika hapa kwa sababu ya uzito wa anachokisema. Tafadhali soma na kama unaweza changia maoni yako tuelimike. 
 
Nimshukuru sana kwa kutumia muda wake kuandika maoni yake na hapa namnukuu: 
 
MAKANISA ya Kikristo yanafunza ya kuwa Yesu Kristo si kama kuwa ni Mwana wa Mungu tu, bali hakika ni Mungu khasa. Baba, Mwana na Roho Mtakatifu ni mmoja. Watatu katika mmoja, na mmoja katika watatu. Wote ni wa milele, wote ni sawa. Yesu ni Mungu, na Mungu ni Yesu. Hiyo ni imani ya Kikristo, ambayo inaaminiwa na karibu Wakristo wote. Hebu tuifunue Biblia tutazame inasema nini katika jambo hili? 
Mt Paulo katika barua yake ya kwanza kuwapelekea Wakorintho aliandika: 
 
Naam, na sisi tumeonekana kuwa mashahidi wa uongo wa Mungu; kwa maana tulimshuhudia Mungu ya kuwa alimfufua Kristo, ambaye hakumfufua, ikiwa wafu hawafufuliwi. 
1 Wakorintho 15.15 
 
Juu ya kuwa Paulo anaambiwa ya kuwa akiamini kuwa Masihi (yaani Kristo) na Mwenyezi Mungu ni kitu kimoja hapa anasema: "Tulimshuhudia Mungu ya kuwa alimfufua Kristo." Ikiwa Mungu kamfufua Kristo, hawawezi kuwa wote wawili hao ni mtu mmoja. Mmoja alikuwa ni mtenda, mfufuaji, na wa pili alikuwa ni mtendwa, mfufuliwa. Kama Kristo ni Mungu mwenye uwezo wa kufufua basi maelekeo ni kusema: "Kristo kajifufua", sio kafufuliwa. Mwenye kufufuliwa ni mfu asiyejiweza kitu. 
Katika kitabu cha Matendo ya Mitume inasimuliwa kuwa Mt Stefano alisema aliyoyaona yaliyo mbinguni. Alisema: 
 
Tazama! naona mbingu zimefunguka, na Mwana wa Adamu amesimama mkono wa kuume wa Mungu. 
Matendo 7.56 
 
Mwana wa Adamu ndiye Yesu, na kwa jina hilo ndio mwenyewe akipenda kujiita, sio Mwana wa Mungu. Hapo basi huko mbinguni Stefano anasema anamwona Yesu kakaa mkono wa kulia wa Mungu. Mwenye kukaa mkono wa kulia wa fulani hawezi kuwa ndiye yule yule fulani. Hayo ni maelezo ya mbinguni. Ni wazi basi kwa ushahidi wa Biblia kuwa Yesu hakuwa Mungu mbinguni kama alivyokuwa si Mungu duniani. 
Yesu alipokimbilia kwenye Mlima wa Zaituni na huku akisakwa na Mayahudi alijitenga na wanafunzi wake. Huko faraghani aliomba hivi: 
 
Ee Baba, ikiwa ni mapenzi yako, uniondolee kikombe hiki; walakini si mapenzi yangu, bali yako yatendeke. Malaika kutoka mbinguni akamtokea akamtia nguvu. 
Luka 22.42-43 
 
Hapa tunaona mambo matatu muhimu: 
 
Yesu anamwomba Mungu. Yesu anamwabudu Mungu. Wawili hao ni mbali mbali, na vyeo vyao ni mbali mbali. Yesu ni mtumwa mnyonge mwenye kuomba na kuabudu. Na Mungu ni Mwenyezi Mungu mwenye uwezo wote na mwenye kustahiki kuabudiwa pekee, hata na Yesu, mwenye kutakiwa msaada pekee, hata na Yesu. 
Mapenzi ya Mungu ni mbali na yale ya Yesu. Yesu hataki kuuliwa, ananyenyekea na kuomba kwa Bwana wake: "uniondolee kikombe hiki" cha mauti. Yesu hana azma hata chembe ya kufa msalabani, kifo cha mhalifu, kifo cha laana kama maadui zake Mayahudi walivyoazimia kumpatilisha nacho. Lakini anakiri kuwa ni mapenzi ya Mungu sio yake yeye yatendeke. Yeye hana hila wala nguvu za kuzuia kudra ya Mwenyezi Mungu. 
Yesu, Mwana wa Adamu, anakata tamaa. Imani inampunguka. Kavunjika moyo. Ikabidi "Malaika kutoka mbinguni akamtokea akamtia nguvu." 
Jee, yaelekea kuwa Yesu ndiye Mungu? Yaelekea kuwa yeye na Mungu kuwa ni sawa? Kama upo wasiwasi wo wote wa kujibu hayo, mwenyewe Yesu anajibu kama anavyo hadithiwa na Yohana kuwa kasema: 
 
Baba ni mkuu kuliko mimi. 
Yohana 14.28 
 
Na mwishoni naye yupo msalabani: 
 
Na kama saa tisa, Yesu akapaza sauti yake kwa nguvu akisema, Eloi, Eloi, lama sabakthani? yaani, Mungu wangu, Mungu wangu, Mbona umeniacha? 
Mathayo 27.46 
 
Yafaa hapa tujiulize: Yesu akimlilia Mungu gani hapo msalabani ikiwa naye mwenyewe ni Mungu? Au nini alikusudia aliposema: "Mungu wangu naye ni Mungu wenu"? Maneno hayo kama yanaonyesha cho chote basi yanaonyesha unyenyekevu wa Yesu mbele ya Mungu wake. La kustaajabisha ni kule kukata tamaa kwake na kuvunjika moyo. Huwaje mtu wa imani, licha ya nabii na mwana pekee wa Mungu, akate tamaa na rehema ya Mwenyezi Mungu. Ama kuwa Mungu akate tamaa na Mungu, na kumyayatikia: "Mungu wangu, Mungu wangu, mbona umeniacha", ni jambo ambalo halimkiniki kuwa. 
Kwa uthibitisho ulio wazi Biblia inatwambia kuwa Yesu si Mungu, wala Mungu si Yesu." 
<div>
 </div>

Je! Yesu ni Mungu?

Haya ni maoni ya mdau asiyependa jina lake lijulikane. Nimeyatundika hapa kwa sababu ya uzito wa anachokisema. Tafadhali soma na kama unawe...

Yesu Kristo Ni Nani?

<img alt="Image result for Yesu" src="http://www.agakiza.rw/IMG/arton805.jpg?1442170634" /> 
 
 
Je, kujua tu jina la mtu fulani mashuhuri kunamaanisha unamjua vizuri? Eleza. (b) Watu wana maoni gani yanayotofautiana kumhusu Yesu? 
 
KUNA watu wengi sana mashuhuri ulimwenguni. Huenda unalijua jina la mtu fulani mashuhuri. Hata hivyo, kujua jina lake hakumaanishi kwamba unamjua vizuri. Haimaanishi kwamba unajua kila jambo linalomhusu. 
 
2 Huenda unajua mambo fulani kumhusu Yesu Kristo, ingawa aliishi duniani karibu miaka 2,000 iliyopita. Hata hivyo, watu wengi hawajui alikuwa na utu gani. Wengine wanasema alikuwa mtu mwema, wengine nabii, na wengine waamini kwamba ni Mungu. Wewe una maoni gani?—Soma Maelezo ya Ziada 12. 
 
3. Kwa nini ni muhimu umjue Yehova Mungu na Yesu Kristo? 
 
3 Ni muhimu kujua ukweli kumhusu Yesu. Kwa nini? Biblia inasema: “Uzima wa milele ndio huu, waendelee kupata ujuzi juu yako wewe, Mungu wa pekee wa kweli, na juu ya yule uliyemtuma, Yesu Kristo.” (Yohana 17:3) Kwa kweli, ikiwa utajua ukweli kumhusu Yehova na Yesu, unaweza kuishi milele katika dunia paradiso. (Yohana 14:6) Pia, kumjua Yesu kutakusaidia kwa sababu ametuwekea mfano bora wa jinsi ya kuishi na kuwatendea wengine. (Yohana 13:34, 35) Katika sura ya kwanza1, tulijifunza ukweli kumhusu  Mungu. Sasa tutajifunza yale ambayo Biblia inafundisha kumhusu Yesu. 
 
TUMEMPATA MASIHI! 
4. Maneno “Masihi” na “Kristo” yanaonyesha nini? 
 
4 Miaka mingi kabla ya Yesu kuzaliwa, Yehova aliahidi katika Biblia kwamba angemtuma Masihi, au Kristo. Neno “Masihi” linatokana na lugha ya Kiebrania, na neno “Kristo” linatokana na lugha ya Kigiriki. Majina hayo yanaonyesha kwamba Mungu angemchagua Masihi na kumpa cheo cha pekee. Masihi atatimiza ahadi zote za Mungu. Hata sasa, Yesu anaweza kukusaidia. Hata hivyo, kabla ya Yesu kuzaliwa, watu wengi walijiuliza, ‘Ni nani atakayekuwa Masihi?’ 
 
5. Je, wanafunzi wa Yesu waliamini kwamba Yesu alikuwa Masihi? 
 
5 Wanafunzi wa Yesu hawakuwa na shaka kwamba alikuwa Masihi. (Yohana 1:41) Kwa mfano, Simoni Petro alimwambia hivi Yesu: “Wewe ndiye Kristo.” (Mathayo 16:16) Tuna uhakika gani kwamba Yesu ni Masihi? 
 
6. Yehova alifanya nini ili kuwasaidia watu wenye mioyo minyofu wamtambue Masihi? 
 
6 Miaka mingi kabla ya Yesu kuzaliwa, Manabii wa Mungu waliandika habari nyingi ambazo zingewasaidia watu kumtambua Masihi. Kwa nini habari hizo ni muhimu? Tuseme umeombwa uende kituo cha basi kumpokea mtu ambaye hujawahi kumwona. Bila shaka, unaweza kumtambua ikiwa umepewa maelezo ya kutosha kumhusu. Vivyo hivyo, Yehova aliwatumia manabii wake waandike mambo ambayo Masihi angefanya na yale ambayo yangempata. Kutimia kwa unabii huo kunawasaidia  watu wenye mioyo minyofu kujua kwamba Yesu ni Masihi. 
 
7. Ni mifano gani miwili ya unabii inayothibitisha kwamba Yesu ni Masihi? 
 
7 Fikiria mifano miwili. Kwanza, miaka 700 kabla ya Yesu kuzaliwa, Mika alitabiri kwamba Masihi angezaliwa katika mji mdogo wa Bethlehemu. (Mika 5:2) Hivyo ndivyo ilivyokuwa! (Mathayo 2:1, 3-9) Pili, nabii Danieli alitabiri kwamba Yesu angekuwa Masihi mwaka wa 29 W.K. (Danieli 9:25) Hiyo ni mifano miwili tu ya unabii ambao unathibitisha kwamba Yesu ni Masihi aliyeahidiwa.—Soma Maelezo ya Ziada 13. 
 
Baada ya kubatizwa, roho ya Mungu ikishuka kama njiwa kumtambulisha Yesu kuwa Masihi 
Baada ya kubatizwa, Yesu akawa Masihi au Kristo 
 
8, 9. Ni mambo gani yalitukia Yesu alipobatizwa yanayothibitisha kwamba yeye ni Masihi? 
 
8 Yehova alifunua waziwazi kwamba Yesu ni Masihi. Mungu aliahidi kumpa Yohana mbatizaji ishara ili amtambue Masihi. Yohana aliona ishara hiyo, Yesu alipomwendea ili abatizwe katika mto Yordani mwaka wa 29 W.K. Biblia inatuambia mambo yaliyotukia: “Baada ya kubatizwa Yesu akapanda mara moja kutoka katika maji; na, tazama! mbingu zikafunguliwa, naye akaona roho ya Mungu ikishuka kama njiwa, ikija juu yake. Tazama! Kulikuwa pia na sauti kutoka mbinguni iliyosema: ‘Huyu ni Mwanangu, mpendwa, ambaye nimemkubali.’” (Mathayo 3:16, 17) Yohana aliposikia na kuona ishara hiyo, alitambua kwamba Yesu ndiye Masihi. (Yohana 1:32-34) Yehova alipomimina  roho yake juu ya Yesu, siku hiyohiyo Yesu akawa Masihi. Akawa Kiongozi na Mfalme aliyechaguliwa na Mungu.—Isaya 55:4. 
 
9 Unabii wa Biblia, maneno ya Yehova mwenyewe, na ishara iliyotokea Yesu alipokuwa akibatizwa ni uthibitisho kwamba Yesu ni Masihi. Lakini Yesu alitoka wapi na alikuwa na utu gani? Acheni tuone jinsi Biblia inavyosema. 
 
 YESU ALITOKA WAPI? 
10. Biblia inafundisha nini kuhusu maisha ya Yesu kabla ya kuja duniani? 
 
10 Biblia inafundisha kwamba Yesu aliishi mbinguni kwa miaka mingi kabla ya kuja duniani. Mika alisema kwamba Masihi ni wa “kutoka nyakati za kale.” (Mika 5:2) Yesu mwenyewe mara nyingi alisema kwamba aliishi mbinguni kabla ya kuzaliwa akiwa mwanadamu. (Soma Yohana 3:13; 6:38, 62; 17:4, 5.) Hata kabla ya kuja duniani, Yesu alikuwa na uhusiano wa pekee na Yehova. 
 
11. Kwa nini Yehova anampenda Yesu? 
 
11 Yehova anampenda Yesu sana. Kwa nini? Kwa sababu Mungu alimuumba kwanza kabla hajaumba vitu vingine vyote. Kwa hiyo Yesu anaitwa “mzaliwa wa kwanza wa viumbe vyote.” * (Wakolosai 1:15) Pia, Yehova anampenda sana Yesu kwa kuwa Yesu pekee ndiye aliyeumbwa moja kwa moja na Yehova. Hiyo ndiyo sababu anaitwa “Mwana wake mzaliwa-pekee.” (Yohana 3:16) Pia, Yesu pekee ndiye aliyetumiwa na Yehova kuumba vitu vingine vyote. (Wakolosai 1:16) Yesu peke yake anaitwa “Neno,” kwa sababu Yehova alimtumia kuwapa ujumbe na maagizo malaika na wanadamu.—Yohana 1:14. 
 
12. Tunajuaje kwamba Yesu na Mungu hawako sawa? 
 
12 Baadhi ya watu wanaamini kwamba Yesu ni sawa na Mungu Mweza-Yote. Lakini Biblia haifundishi hivyo. Biblia inafundisha kwamba Yesu aliumbwa. Jambo  hilo linamaanisha kwamba alikuwa na mwanzo. Lakini Yehova aliyeumba vitu vyote hana mwanzo. (Zaburi 90:2) Akiwa Mwana wa Mungu, Yesu hakujaribu kamwe kujilinganisha na Mungu. Biblia inafundisha wazi kwamba Baba ni mkuu kuliko Mwana. (Soma Yohana 14:28; 1 Wakorintho 11:3.) Yehova peke yake ndiye “Mungu Mweza-Yote.” (Mwanzo 17:1) Yeye ndiye mkuu na mwenye nguvu katika ulimwengu wote mzima.—Soma Maelezo ya Ziada 14. 
 
13. Kwa nini Biblia inasema Yesu ni “mfano wa Mungu asiyeonekana”? 
 
13 Yehova na Mwana wake, Yesu, walifanya kazi kwa ukaribu kwa miaka mingi kabla ya kuumbwa kwa mbingu na dunia. Ni lazima walipendana sana! (Yohana 3:35; 14:31) Yesu aliiga sifa za baba yake kikamilifu hivi kwamba Biblia inamwita “mfano wa Mungu asiyeonekana.”—Wakolosai 1:15. 
 
14. Mwana mpendwa wa Yehova alizaliwa akiwa mwanadamu jinsi gani? 
 
14 Mwana mpendwa wa Yehova alikuwa tayari kuondoka mbinguni na kuzaliwa duniani akiwa mwanadamu. Iliwezekanaje? Yehova alimhamisha kimuujiza Mwana wake kutoka mbinguni hadi kwenye tumbo la uzazi la bikira aliyeitwa Maria. Kwa sababu hiyo, Yesu hakuwa na baba wa kibinadamu. Hivyo, Maria alimzaa mwana mkamilifu, na akamwita jina Yesu.—Luka 1:30-35. 
 
YESU ALIKUWA NA UTU GANI? 
Yesu akiwafundisha wanafunzi wake 
15. Unaweza kumjua vizuri Yehova jinsi gani? 
 
15 Unaweza kujifunza mengi zaidi kuhusu Yesu, maisha yake, na sifa zake kwa kusoma vitabu vya  Biblia vya Mathayo, Marko, Luka na Yohana. Vitabu hivyo vinaitwa Injili. Kwa kuwa Yesu ana sifa kama za Baba yake, yale utakayosoma yatakusaidia kumjua vizuri Yehova. Ndiyo sababu Yesu alisema: “Yule ambaye ameniona mimi amemwona Baba pia.”—Yohana 14:9. 
 
16. Yesu alifundisha nini? Mafundisho ya Yesu yalitoka wapi? 
 
16 Watu wengi walimwita Yesu “Mwalimu.” (Yohana 1:38; 13:13) Jambo muhimu ambalo Yesu alifundisha lilikuwa “habari njema ya Ufalme.” Ufalme huo ni nini? Ni serikali ya Mungu iliyopo mbinguni itakayotawala ulimwengu mzima na kuwaletea baraka watu wanaomtii Mungu. (Mathayo 4:23) Kila jambo ambalo Yesu alifundisha lilitoka kwa Yehova. Yesu alisema: “Yale ninayofundisha si yangu, bali ni yake yeye aliyenituma.” (Yohana 7:16) Yesu alijua kwamba Yehova anataka watu wasikie habari njema kwamba Ufalme wa Mungu utatawala ulimwengu mzima. 
 
Yesu akimhubiria mvuvi 
17. Yesu alifundisha wapi? Kwa nini Yesu alikuwa na bidii sana kuwafundisha watu? 
 
17 Yesu alifundisha wapi? Kila mahali penye watu. Alifundisha vijijini, mijini, sokoni, sehemu za ibada na kwenye nyumba za watu. Hakusubiri watu wamfuate. Aliwafuata walipokuwa. (Marko 6:56; Luka 19:5, 6) Yesu alikuwa na bidii sana, alitumia nguvu na wakati mwingi kuwafundisha watu. Kwa nini? Kwa sababu alijua kwamba Mungu alitaka afanye hivyo na sikuzote alimtii Baba yake. (Yohana 8:28, 29) Pia, Yesu alihubiri kwa sababu aliwasikitikia watu. (Soma Mathayo 9:35, 36.) Viongozi wa dini hawakufundisha watu kweli kumhusu Mungu na Ufalme wake. Hivyo, alitaka kuwasaidia watu wengi wasikie habari njema. 
 
18. Ni sifa gani za Yesu zinazokuvutia? 
 
 18 Yesu aliwapenda na kuwajali watu. Alikuwa mwenye fadhili na urafiki. Hata watoto walipenda kuwa karibu naye. (Marko 10:13-16) Yesu alipenda haki. Alichukia ufisadi na ukosefu wa haki. (Mathayo 21:12, 13) Aliishi wakati ambao wanawake walidharauliwa na kunyimwa baadhi ya haki zao. Lakini sikuzote Yesu aliwaheshimu na kuwastahi wanawake. (Yohana 4:9, 27) Pia, Yesu alikuwa mnyenyekevu sana. Kwa mfano, siku moja aliwaosha wanafunzi wake miguu, jambo ambalo kwa kawaida lilifanywa na watumwa.—Yohana 13:2-5, 12-17. 
 
Yesu akiwasogelea wagonjwa ili kuwaponya 
Yesu alihubiri mahali popote penye watu 
 
19. Ni mfano gani unaoonyesha kwamba Yesu alijua mahitaji ya watu na kwamba alitaka kuwasaidia? 
 
19 Yesu alijua mahitaji ya watu, na alitaka kuwasaidia. Jambo hilo lilionekana waziwazi alipotumia nguvu za Mungu kuwaponya kimuujiza. (Mathayo 14:14) Kwa mfano, mwanamume mwenye ukoma alimwendea Yesu na kumwambia: “Ikiwa tu unataka, unaweza kunitakasa.” Ndipo akamsikitikia, naye akanyoosha mkono wake akamgusa, akamwambia: “Ninataka. Takasika.” Mwanaume huyo akapona! (Marko 1:40-42) Unafikiri mwanamume huyo alihisije? 
 
SIKUZOTE ALIKUWA MWAMINIFU KWA BABA YAKE 
20, 21. Yesu ametuwekea jinsi gani mfano bora wa kumtii Mungu? 
 
20 Yesu ni mfano bora wa kumtii Mungu. Licha ya hali au kutendewa vibaya na maadui wake, aliendelea kuwa mwaminifu kwa Baba yake. Kwa mfano, Yesu hakutenda dhambi Shetani alipomjaribu. (Mathayo 4:1-11) Baadhi ya watu wa familia yake hawakuamini kwamba alikuwa Masihi, hata walisema kwamba  “amerukwa na akili” hata hivyo, Yesu aliendelea kufanya kazi ya Mungu. (Marko 3:21) Alipotendewa jeuri na adui zake, Yesu aliendelea kuwa mwaminifu kwa Mungu na hakujaribu kuwadhuru.—1 Petro 2:21-23. 
 
21 Hata alipokabili kifo cha kikatili na maumivu makali, Yesu aliendelea kuwa mwaminifu kwa Yehova. (Soma Wafilipi 2:8.) Wazia jinsi alivyohitaji kuvumilia siku aliyokufa. Alikamatwa, akashtakiwa na mashahidi wa uwongo, akahukumiwa na mahakimu fisadi, akachekwa na umati, na askari walimtesa na kumtundika kwenye mti wa mateso. Alipokuwa anakufa alipaaza sauti: “Imetimizwa! (Yohana  19:30) Siku tatu baada ya Yesu kufa, Yehova alimfufua na kumfanya hai katika roho. (1 Petro 3:18) Majuma machache baadaye, alirudi mbinguni, na “kuketi kwenye mkono wa kuume wa Mungu,” akingojea Mungu amweke rasmi kuwa Mfalme.—Waebrania 10:12, 13. 
 
22. Ni fursa gani tunayopata kwa sababu Yesu alikuwa mwaminifu kwa Baba yake? 
 
22 Kwa kuwa Yesu alibaki mwaminifu kwa Baba yake, sasa tuna fursa ya kuishi milele katika dunia paradiso, kama tu Yehova alivyoahidi. Katika sura inayofuata, tutazungumzia jinsi kifo cha Yesu kinavyotuwezesha kupata uzima wa milele.

Yesu Kristo Ni Nani?

Je, kujua tu jina la mtu fulani mashuhuri kunamaanisha unamjua vizuri? Eleza. (b) Watu wana maoni gani yanayotofautiana kumhusu Yesu? K...

WABELOYA

Featured post

Je! Yesu ni Mungu?

Yesu ni mungu

Jitambue Thamani Yako

Uislamu ulianza lini?

Je! Yesu ni Mungu?

Yesu Kristo Ni Nani?

Popular Posts

Blog Archive